عيادات ومنتديات طبيبي

عيادات ومنتديات طبيبي (http://www.tabeebe.com/vb/index.php)
-   المشــاكل الـنـفـســيـة (http://www.tabeebe.com/vb/forumdisplay.php?f=94)
-   -   هكذآ تغلبت علـى الخجل (http://www.tabeebe.com/vb/showthread.php?t=112667)

بسمة أمل 24-08-2011 04:14 AM

هكذآ تغلبت علـى الخجل
 
السلام عليكم ورحمة الله وبركآته


لاحظت على نفسي تغير كبير بحيث اني صرت اكثر شجاعه من قبل
وحتى الناس لاحظت هالشي

وقلت اقولكم السبب (=

لان دآيمآ انآ اقول ان ما احد يقدر يحصل علاج لمشكلآته اكثر من الشخص نفسه
" الانسآن طبيب نفسه فالطب النفسي" >> من تأليفي :D


انزين شو صآر؟

اول خطوة سويتهآ اني قررت اني ما اقول استحي ابدآ ’’
لان كنت دايمآ اذا قالولي شي او سوي هالشي اقولهم استحي

فقلت اي موقف يخليني اقول استحي ما بقول وبسوي

وهالشي بديته يوم موقف استوى فالمستشفـى >> ههه موقف لا احسد عليه طفرت بالدكتوره هذاك اليوم :D

طيب متى تغلبت على المشكله؟


في يوم من الايام >> تاريخ 17/7/2011

هاليوم كآن عرس اخوي ,, وانآ اكبر البنآت في خوآتـي

وامي عندهآ بيبي >> ربي يحفظه ويجعله من أئمة المسلمين ^_^

فشو صار؟

حرمه من اهل العروس >> تقربلنآ من بعيد

قالتلي يا بسمه تعآلي استقبلي النآس

انا في نفسي قلت جي >> :eek:

صدق ما لقت غيري ؟! > > استحي

بس قتلهآ ان شآء الله >> ما بنقض العهد اللي اتخذته اني ما اقول استحي

والله وخلوني استقبل النآس وارحب فيهم وهن روحوآ عنـي :(

بس اتأقلمت وحسيت انه شي عآدي

والحريم صاروآ يلسون عندي يسولفون ويتخبرون

وصرت تقول نحله فالقاعه >> تعالي وسوي وهاتي وحطي (=

ومن هاليوم تعلمت اني اكون جريئه :D

لان اي شي نسويه يحتاج منآ خطوة شجاعه واحده فقط وبعدين يصبح الامر عادي جدآ :)

طيب شو صار بعد هاليوم؟!!!!


صارت مواقف وايد

بس بقولكم هالموقف العجيب :D >> ضحكنآ الين قلنآ بس على هالموقف

يقولكم ي يوم من ايام هالشهر الفضيل

كنا طالعين من المسجد "انا وامي " ورحنآ عند بيت جدي
ونحن طالعين حصلت عمي "انا كنت متنقبه وبعباتي
فسرت اسلم عليه :)

يوم رحت اسل عاد صرت اسولف معاه واقوله اني حلمتك اول رمضان >> وههو مستحي

ترى قبل كنت استحي حتى من عمومتيه وخوالي >> لا تستغربون هههه

طيب شو صار بعدين؟!

طلعنآ من بيتهم وفي اليوم الثاني جت حرمة عمي عندنآ :D

وكالعاده امي محد >> عند اخويه

واستقبلتهآ انآ وهي تقولي شو سويتي في عمج امس؟!

قتلهآ ليش شو صار؟!

قالت تضاربنآ انا واياه :D

قتلها ليش؟

قالت دخل البيت ويقولي من الحرمه اللي طلعت من عندكم مع ام احمد؟ ( ام احمد هي امي)

وتضحك عليه

تقوله ليش من يعني؟ قال ما ادري انا المشكله اني سلمت عليهآ وتقولي حلمتك :D

قالتله حظر من هذي ؟؟؟

وراح جاب بنات العايله كلهم الا انا

واخر شي الصدمه ان الحرمه هي بسمه امل :D

قال ابدا ما توقعت " ولا مره سولفت معاي "

وحرمة عمي طلعت الحقيقه اللي كآنت مخبتنهآ ههه >> قالتله من زمان تغيرت وصار حرمه ترحب وووو :D

لا وبعد ترى ضعفت (ههه يقولون صرت نص بسمة القبليه هع هع) وهذا زاد الطين بله ههههههه وما عرفني عمي :D





اخيرآ اقولكم


اللي يحط هدف في باله ويتوكل على الله بيحيبه ان شآء الله

ولا تنسون الدعآء >> سلاح المؤمن

وان كآنت مشكله صغيره ول كبيره ,, حآولوآ ولا تيئسون (=



:)


دمتم في حفظ الرحمن

الجنة مبتغاي 24-08-2011 09:55 AM

يسعد صباحك بسومة حبيبتي
الصراحة غيرتيلي جو واستمتعت وأنا بقرأ
لأنو (بيني وبينك) طبع الخجل موجود فيني كتيييير
وتجاوزت منو مرحلة لاني متزوجة وصار عندي التزامات ومسؤولية
وما شالله طريقتك حلوة بالتعبير والتفكير
وربي يوفقك ويزيدك من فضلو يااااااااااارب
بس مرة تانية ما تخلي عمك ومرتو يتضاربوا ههههههههه

شاهنده 24-08-2011 01:21 PM

ههههههههههههه حلوة حلمت بك هده هههههههههههههههه استانست ونا بقرا

تصلحي تكونى قصاصة هههههههههه موضوعك جميل جدا

أم وتين 24-08-2011 01:47 PM

ما شاء ما شاء على البنت اللي كبرت وصارت ترجب وتستقبل الناس وحلت مشكلتها بشكل منطقي عقبالي يارب

لانه هي الشغلة متأصلة فيي ونفسي اخلص منها .... انا حتى زوجي لسه بستحي منه ههههههههههههه

كتير حاولت اتخلص منها واكون اجرأ واتغلب على كتير مواقف بس فشلت للاسف وكنت دائما اقابلها ب "أستحي"

بس الصراحة استفدت كتير من تجربتك وراح احاول اطبق .... يعني ما بنخسر شي من المحاولة

ان شاء الله دايما الى الامام حبيبتي بسومة

شقيقة النعمان 24-08-2011 02:58 PM

السلام عليكم ورحمة الله وبركاته
رووعه بسمه ..احيانا الحاجه هي التي تجعلنا نغير ما نحن عليه والظروف هنا وضعتك بمكان غير حياتك للأحسن

بالنجاح..............والى الأمام يا عسل

بسمة أمل 24-08-2011 06:47 PM

اقتباس:

المشاركة الأصلية كتبت بواسطة الجنة مبتغاي (المشاركة 1547986)
يسعد صباحك بسومة حبيبتي
الصراحة غيرتيلي جو واستمتعت وأنا بقرأ
لأنو (بيني وبينك) طبع الخجل موجود فيني كتيييير
وتجاوزت منو مرحلة لاني متزوجة وصار عندي التزامات ومسؤولية
وما شالله طريقتك حلوة بالتعبير والتفكير
وربي يوفقك ويزيدك من فضلو يااااااااااارب
بس مرة تانية ما تخلي عمك ومرتو يتضاربوا ههههههههه

يا هلا والله بالشيخه (=

فاتني اقولج ويسعد صباحك ,, فبقول يسعد مساج ^_^

بيني وبينك >> شكل هالموضوع بيكشف الخجولين اللي بينا ههه

انتي الخجوله نمر تو :d

الحمدلله انج عديتي خطوة كبيره للامآم وان شاء الله منه للافضل

اسعدني تواجدك اخيتي (=

دمتي في حفظ الرحمن

بسمة أمل 24-08-2011 06:49 PM

اقتباس:

المشاركة الأصلية كتبت بواسطة أم اليمامة (المشاركة 1547992)
بصراحة موضوعك كتير حلو و استمتعت بالقراءة
و كلامك صحيح خطوة شجاعة و بعدين الامر عادي

ما شاء الله عليكي كويس انك تغلبتي على مشكلتك و الله يوفقك يا رب

تحياتي الك يا حلوة


مرحبآ الساع باختيه ام اليمامه ^^

اشكرك اخيتي وتواجدك هنآ اسعدني اخيتي

الحمدلله وان شاء الله بنستمر في تطوير الذآت :good

بارك الله فيك اخيتي

دمتي في حفظ الرحمن

بسمة أمل 24-08-2011 06:53 PM

اقتباس:

المشاركة الأصلية كتبت بواسطة شاهنده (المشاركة 1548008)
ههههههههههههه حلوة حلمت بك هده هههههههههههههههه استانست ونا بقرا

تصلحي تكونى قصاصة هههههههههه موضوعك جميل جدا


:D

انزين صدق حلمته :rolleyes: >> تذكرت عميه يوم ضحك هههههه

ان شاء الله دومج مستآنسه (=

شكرآ لج شاهنده على تواجدج الحلو :)

وعن قصاصه عندي سوالف وايد بس بييج قبل النوم احسن :D:D

دمتي في حفظ الرحمن

بسمة أمل 24-08-2011 06:58 PM

اقتباس:

المشاركة الأصلية كتبت بواسطة أم وتين (المشاركة 1548013)
ما شاء ما شاء على البنت اللي كبرت وصارت ترجب وتستقبل الناس وحلت مشكلتها بشكل منطقي عقبالي يارب

لانه هي الشغلة متأصلة فيي ونفسي اخلص منها .... انا حتى زوجي لسه بستحي منه ههههههههههههه

كتير حاولت اتخلص منها واكون اجرأ واتغلب على كتير مواقف بس فشلت للاسف وكنت دائما اقابلها ب "أستحي"

بس الصراحة استفدت كتير من تجربتك وراح احاول اطبق .... يعني ما بنخسر شي من المحاولة

ان شاء الله دايما الى الامام حبيبتي بسومة


يا هلآ والله باختيه الغاليه " ام وتين "

هههه السلبيه الوحيده اني كبرت هههه >> تبا دوم تكون صغيره :d

ان شاء الله بتتغلبين عليهآ وبتواجهين الامر باريحه .. هو يباله صبر وايد ,, ولازم نقنع نفسنآ داخليآ ان نحن نبآ نغير هالشي ,,
اتذكر يوم كنت في مركز تحفيظ القرآن كآنوآ يستانسون علي وانا متفشله ومستحيه وحتى يوم اقرأ صوتي يتغير من المستحى ههه (=

اتمنآلج كل خير الغاليه

ونسيت اقولج >> انتي نمبر 3 :d

دمتي بخير وبحفظ الرحمن

بسمة أمل 24-08-2011 07:03 PM

اقتباس:

المشاركة الأصلية كتبت بواسطة شقيقة النعمان (المشاركة 1548025)
السلام عليكم ورحمة الله وبركاته
رووعه بسمه ..احيانا الحاجه هي التي تجعلنا نغير ما نحن عليه والظروف هنا وضعتك بمكان غير حياتك للأحسن

بالنجاح..............والى الأمام يا عسل


وعليكم السلام ورحمة الله وبركاته

هيه والله انج صآدقه ,, بس لازم نستغل الظروف لصآلحنآ

انا مره سويت مصيبه >> هههههه

اتخيلي مره رايحه المستشتفى وكآن لازم اسوي تخطيط قلب ومآ طعت >> متفشله الحرمه

وتمينآ سآعه واخر شي الدكتوره اتصلت بالدكتور المسؤول ويابولي اياه >> عاد بسم الله صدق يخرع ,, وكان معصب :mad:

هههههه هالموقف استغليته غلط :D

يعطيج الله العافيه الغاليه ,, اضافه رائعه منج اختيه ,, شآكره لج

دمتي في حفظ الرحمن


الساعة الآن 10:34 AM.

Powered by vBulletin® Version 3.8.11
Copyright ©2000 - 2022, Jelsoft Enterprises Ltd.

المعلومات المنشورة في الموقع لاتغني عن استشارة الطبيب ولا تعبر عن رأي "طبيبي" ولا نتحمل أي مسؤولية قانونية حيال ذلك
ويتحمل الكاتب مسؤولية النشر، وللإبلاغ عن أي موضوع مخالف يرجى مراسلتنا