تقريري المفصل عن جهاز الغزال الطائر للتنحيف وشد

لاحظت كثير من صديقاتي مهتمة بالموضوع، ونزلت بوست في الانستقرام وجتني اسأله كثيرة عن الجهاز، فقلت ليش ما اخلي غيري يستفيد واشارك تجربتي مع الجهاز واشرح فوائده للبنات اللي ماتعرفه.

بداية احب اوضح ان الجهاز نوعين مو نوع واحد:
سعر الغزال الطائر العادي وهذه صورته

الغزال الطائر العادي تحصلينه في ساكو وسوق كوم والعمودي للرياضة والسعر يختلف عندهم من 350 الى 600 مادري ايش الفرق بينهم ، بس اسعارهم مختلفة مع ان الجهاز نفسه.

جهاز الغزال الطائر المطور وهذه صورته

الغزال الطائر المطور هو نفس الغزال الطائر العادي ولكن هذا النوع يتحرك في اربع جهات، ويسمح لك هذا النوع انك تمرني عضلات الفخذ الداخلية وايضاً عضلات الذراعين بتمارين اضافية ما تنفع في الغزال الطائر العادي.
سعر الغزال الطائر المطور، تقريباً نفس سعر الغزال الطائر العادي، لكن هذا احياناً يكون اغلى ب50 الى 100 ريال بس.

منين اخذت جهازي،
انا اخذت جهاز الغزال الطائر قبل شهرين من ساكو، والسعر كان غالي الصراحة ب650 ريال، واكتشفت بعدين انه موجود في سوق كوم ب370 ريال بس،

فوائد الغزال الطائر
كثير بنات تسأل عن فوائد الغزال الطائر وايش يسوي، كيف باستفيد منه؟
انا اقلكم، جهاز الغزال الطائر معروف انه جهاز تمرين منزلي خفيف ما يطلب جهد كبير ويوفر لك تمرين لكل الجسم، من الذراعين الى الساقين، طبعاً مع البطن والافخاذ والمؤخرة .
اهم فوائد الجهاز هي:
يساعد في ترتيب الجسم ويخلصك من الترهلات خصوصا في مناطق الافخاذ والمؤخرة والزنود.
يحافظ على لياقتك البدنية ويقوي عضلاتك .
ينشط الدورة الدموية ويعزز مناعة الجسم وصحة القلب.
يحرق الدهون بنسبة عالية، وبحسب موقع مجلة اللياقة والتخسيس، ان الجهاز يحرق 300-400 سعرة حرارية في الساعة، يعني اكثر من المشي او الجري.
حجم خفيف وما ياخذ مساحة كبيرة في المنزل، وسعره رخيص مقارنة بفوائدة.

تجربتي مع جهاز الغزال الطائر
صراحة مالي كثير من اخذت الجهاز، شهرين تقريباً
بس لاحظت فعلاً ان جسمي انشد واختفت كثير من الترهلات في الزنود والافخاذ، ونقصت في الميزان 3 كيلو لحد الان.
وايضاً لاحظت ان لياقتي صارت احسن، صرت استعمل الجهاز عشرين دقيقة في اليوم وما احس بتعب كبير مثل اول ما بديت.
انا بستمر باستخدام الجهاز واشارك تجربتي بعد 3 اشهر او 4 تكون النتائج بانت اكثر.

اي اسئلة عن الجهاز او اي سؤال بخاطرك انا جاهزة