بيتنا المرعب بالباحه

هذي قصه وحقائق واقعيه حصلت لنا بمدينة الباحه عشت ايام مرعبه لاتنسى
اولا أقراوء المعوذات وسموا بالله وكل واحد يحط يديه على فمه علشان اذا صرخ !!!!



كنا بيتنا بعيد قليلا عن أقاربنا فأضطرينا نستأجر بيت قريب من أقاربنا وصاحب البيت متوفي
والبيت لم يسكن من قبل مكون البيت من شقتين ...طبعا استأجرنا الشقتين
البيت كان على جبل مرتفع ويطل على الوادي الاخضر والبيوت بعيده شوي عنا يعني اطلاله رائعه بس الايام كانت تخفي لنا ايام مررررررررعبه ومخيفه
ومعروفه الباحه بالجبال العاليه وارتفاعها العالي عن سطح البحر
المهم أتفقنا مع واحد مسؤول عن البيت على ان نستاجره ..تم الاتفاق وبدينا نرمم البيت ونعدل شبابيكه وابوابه

وبعد كم يوم أنتقلنا للبيت الجديد مرت الليله الاولى وكل شي مطمئن ومرت الليله الثانيه والثالثه ومر الاسبوع ولم يحدث شي

وبعد تقريبا 8 ايام تللك الليله لن تنسى ليله الرعب....
كان ذاك اليوم يوم ماطر امطرت السماء من الظهر حتى العصر وكانت مصحوبه برياح شديده توقف المطر وانجلت الغيوم وبانت النجوم بالليل
المهم كل واحد راح غرفته استعدادا للنوم وابوي راح دوامه كان عمله بالليل ...
مابقى الا انا وامي واخواني نمت تلك الليله مع امي
وبعد منتصف الليل دق الباب الوسط اللي يفصل عن الشقتين بقوه صحت امي وازداد طق الباب بقوه لما امي شفت الدق زاد خوفها خافت واخذت تصحي اخواني وصحتني وصعدنا السطح وقفلنا الباب حق السطح امي من البدايه قالت الظاهر انها رياح قويه لما صعدنا السطح كانت السماء صافيه والجو هادئ
اخذت امي عصا بيدها واحنا الاخوان اجتمعنا بزاويه من السطح واخذت امي تنادي على الناس بس مين يسمعك يايمه بهالليل ....
شوي هدأ الدق ,,!!لحظات واختفى الصوت طبعا مانزلنا قعدنا سهرانين حتى طلع الفجر ونشوف ابوي جاي من الطريق فرحت امي واكيد فرحنا بقدومه فتح ابوي الباب ودخل البيت نزلت امي وخبرته بالحادثه ابوي طمن امي المهم نزلنا من السطح ورحنا كلنا عند الباب وفتحه ابوي وتفقد الشقه قال مافي شي ولا في اثر لدخول ناس ,,,مر ذاك اليوم بكل هدؤء ابوي قال ماراح نخبر الشرطه ..!!
المهم كل يوم نسمع دق بالسطح ,,,,,وعند الباب الخلفي للبيت ,,,,كلها تحصل بالليل
استمرت هذي الوقائع لمده شهرين وابوي ساكت ولا يتكلم وامي صارت زيه اقولهم يبه يمه نسمع صوت احد يدق النافذه يردون يقولون انتي تتوهمين واحلف لهم والله اسمع وشفيكم !!!


كان ابوي وامي يعرفون ان البيت كان مسكون (((بسم الله))) بس احنا الابناء مانعرف ياحليلنا
لانه كان مهجور ومااحد سكنه من قبل ,,,مبني له 10 سنوات وكان ابوابه دائما مفتوحه

المهم استمر الدق........!!
والخوف منه ازداد صار عند اخواني الصغار خوف غير طبيعي ووحد منهم كان يتبول على نفسه ياناس من يقدر يعيش كذا شي مجهول وغير محسوس بسم الله

بعد شهرين غيرنا البيت وانتهت معه ليالي مرعبه ومخيفه لا توصف بالكلام


يارب سترك ألحين مااقدر انااااااام تذكرت ذاك الايااااااااام

وووواااااوووو يارب سترك الطف بنا
كنت اقرا وجالسه اشوف للشباك خوفيتيني
وبعدين لاتخافي انسى وحاولي تذكري اشياء حلوة او روحي كلي عشان تنسي
المهم اشغلي نفسك عشان ماتجلسي تفكري

الله يهديك اختي ثقب امل اليوم ماعرفت انام وجالسه افكر بكلامك وكمان زوجي ماكان معي بالبيت
كان فيني نووم مره بس كل مااسمع صوت اقوم من النوم الله يستر

ههههههه أنا ماني مسؤوله عن خوفكم وخصوصا ام ود ولين
البارحه مانمت سهرت حتى الفجر خفت لدرجه لاتوصف

ههههههههههههه حتى انا مانمت ىوكمان تاخرت في النوم وتاخرت بالغداء
والله اني لما اشوف القصه المرعبه انزل بسرعه عشان
ارد عليك وماالاحظ اواقرا اي كلمه تخوف يمه يمه

الحمد لله رب العالمين أنكم خلصتوا من هالبيت

الحمد لله على السلامة

المشاركة الأصلية كتبت بواسطة ام عزام   الحمدلله على سلامتكم عشت معكم الاحداث ...وتخيلت شلون مرت عليكم الساعات .......ولو كنت مكانكم بكون مثل ابتهال بقوي قلبي واقرأ المعوذات واخذ عصا او سكين وافتح الباب ..

الله يسلمك ياام عزام ,,,امي مسكينه لوحدها تواجه الموقف الصعب ماكانت تدري ان البيت مسكون الا بعد شهر ابوي خبرها ,,,والله بصراحه عن نفسي أخاف ماشاء الله عليكم انتي وابتهال

المشاركة الأصلية كتبت بواسطة المغتربة   الحمد لله قريتها الصبح لان زوجي مسافر ويارب يرجع على اليل بسلامة الحمد لله بعتوا البيت حبيتي ثقب امل

هههههه الحمدلله قريتيها بالصبح لو بالليل والله ماراح تنامين ,,,,البيت ماهو لنا أستاجرنه من واحد ,,,لو لنا البيت كانت خساااااااااره كبيره

المشاركة الأصلية كتبت بواسطة ود ولين   هههههههههههههههه الله يحفظنا

اللهم أميييييييين ,

المشاركة الأصلية كتبت بواسطة الأم الصغيرة   إذافي كمان حطيلنا

طيب بس أكوووووون مروقه راح اضيف :d

تصدقون عاد انا اذا سمعت اصوات اروح لمصدرها وابحث من وين جايه
فيني قوة قلب ولله الحمد
بس ليت بنياتي مثلي بس لو تقرأ وحده فيهم هالقصه مباشره بتحمل قشها وبتفرش في غرفتي

المشاركة الأصلية كتبت بواسطة الأم الصغيرة   الحمد لله رب العالمين أنكم خلصتوا من هالبيت الحمد لله على السلامة

الله يسلمك يالغاليه ..أي والله الحمدلله خرجنا منه

المشاركة الأصلية كتبت بواسطة ود ولين   ههههههههههههه حتى انا مانمت ىوكمان تاخرت في النوم وتاخرت بالغداء والله اني لما اشوف القصه المرعبه انزل بسرعه عشان ارد عليك وماالاحظ اواقرا اي كلمه تخوف يمه يمه

ههههههههههه وفيه مواقف كثيره حصلت لنا بالبيت بس خلاص ماراح أكتبها
او راح ارسلها لكي على الخاص وش رأيك ؟؟؟ هههههههههه

المشاركة الأصلية كتبت بواسطة ابتهال   تصدقون عاد انا اذا سمعت اصوات اروح لمصدرها وابحث من وين جايه فيني قوة قلب ولله الحمد بس ليت بنياتي مثلي بس لو تقرأ وحده فيهم هالقصه مباشره بتحمل قشها وبتفرش في غرفتي

ماشاء الله عليك ,,,والله اذا سمعت صوت وأنا على السرير اغطي نفسي بالبطانيه ويحل علي صمت مطبق انتظر وش القادم هههههه يمه صراحه اخاف من هالاشياء الغير واضحه ..؟؟

بس أحيانا اسوي فيها قويه وأنا من جنبها ...ههههه